Հանրագիտարան >> Կրոնի հանրագիտարան >> Հայ կաթողիկե եկեղեցու Հյուսիսային Ամերիկայի թեմ

 Հայ կաթողիկե եկեղեցու Հյուսիսային Ամերիկայի թեմ. Ամերիկահայ առաջին կաթոլիկ հոգևորականը Մարտիրոս Մկրյանն էր, որը 1899-ին ժամանելով Նոր Երկիր ստանձնել Է Բոստոնի հայ կաթոլիկ համայնքի հոգևոր հովվի պարտականությունը։ Շուտով հայ կաթոլիկ համայնքներ են ձևավորվել նաև Փեթերսոնում, Ֆիլադելֆիայում, Ուոթերթաունում. Լոս Անջելեսում և այլուր։ Սակավաթիվ լինելու պատճառով հայ կաթոլիկները սեփական եկեղեցիներ չեն ունեցել և իրենց հոգևոր ծառայություններն իրականացրել են ամերիկյան կաթոլիկ եկեղեցիներում։ 1910-ին Նյու Յորքում ստեղծվել է հայ կաթոլիկ առաջին աղոթատեղին։ Հայ կաթոլիկ եկեղեցիներ հիմնվել են 1920-ական թթ. սկգբին Քեմբրիջում, Ուինվուդում և այլուր։

Հետագա տարիներին հայ կաթոլիկ ոչ ստվար համայնքներ են ձևավորվել նաև այլ հայաշատ քաղաքներում։ Կազմավորվել է Հայ կաթողիկե եկեղեցու Հյոաիսային Ամերիկայի թեմը (ներառում է նաև Կանադան)։ Առաջնորդարանը գտնվում է Նյու Յորքում։ Ներկայումս ԱՍՆ-ում թեմն ընդգրկում է 8 համայնքային կենտրոններ իրենց եկեղեցիներով ք. Նյու Յորք, Պետերսոն, Ֆիլադելֆիա, Դետրոյտ, Լիթըլ Ֆոլզ, Լոս Անջելես (երկու), Սան Դիեգո, Ուինվուդ, Քեմբրիջ)։ Անարատ հղության քույրերի (Ֆիլադելֆիա, Բոստոն, Լոս Անջելես) և Մխիթարյան հայրերի (Լոս Անջելես) միաբանությունների ղեկավարությամբ գործում են դպրոցներ։

Հրատարակել են "Iternal Flame”  (Նյու Յորք) և «Վարդենիկ» (Դիրբոռն) անգլերեն և հայերեն պարբերաթերթերը։ Լոս Անջելեսում հայ կաթոլիկները հրատարակել են «Վերելք» (1982-99) և «Ավետաբեր» (1985-ից) պարբերաթերթերը։ Ներկայումս այս երկուսի միավորումով լույս Է տեսնում «Ավետաբեր Վերելք» (2000-ից Գլենդել) հանդեսը որպես ԱՍՆ-ի արևմտյան հատվածի հայ կաթոփկ համայնքի պաշտոնաթերթ։

Եկեղեցիներին կից գործում են նաև տիկնանց և երիտասարդական միություններ։

Հայ կաթողիկե եկեղեցու Հյոաիսային Ամերիկայի թեմի առաջնորդն է հայր Հովհաննես Դերձակյանը (1995-ից)։


Գրականության ցանկ

«Հայ Սփյուռք հանրագիտարան», գլխ. խմբ. Հովհ. Այվազյան, Հայկական հանրագիտարան հրատ., Երևան, 2003:

ՀՀ, ք. Երևան,
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am

Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` http://www.armenianreligion.am